2017/03/22

HEZIBERRI 2020 HAUR HEZKUNTZAN

Martxoaren 14an eta 21ean "Heziberri 2020 Haur Hezkuntzan" formazioa izan genuen Barakaldoko Berritzeguenan, Berritzegune Nagusiko Haur Hezkuntzako aholkuraria den Nere Indaren eskutik.


Formazioaren helburu nagusiak hauexek izan ziren:

  • Heziberri 2020 Haur Hezkuntzako markoa ezagutzea.
  • Hezitzaileon eskuhartzeaz hausnarketa egitea.
Bi saio hauetan Haur Hezkuntzako curriculumaren ideia nagusiak eta nobedadeak jorratu ziren: arazo-egoera, konpetentziak, ebaluazioa, espazioak, metodologiak, inklusioa, difusioa,... Taldeka lanean aritu ginen.


 

 Egun bakoitzean,70 lagun inguru hurbildu ziren formaziora.Landutako materiala eta Nere Indaren aurkezpenak eskura jartzen ditugu:
  • Aurkezpenak:



Barakaldoko Berritzeguneko HH-LH aholkulariok bene-benetan eskertzen dizugu!
Mila esker eta hurrengora arte!



2016/11/23

Azaroaren 25ean


Egun honetan emakumearen aurkako bortizkeria gogorazten da.


Bortizkeri hau bada prozesu bat gero eta txarrago bihurtzen dena: hots, bada prozesu bat gelditu behar dena, gelditu behar duguna, gero eta baliabide gehiago dagoelarik.





















2016/10/27

Eskola Hiztun Bila XX.Jardunaldia 2016ko urriaren 25 eta 26an

"Euskara ardatz eta ikasle eleaniztunak helburu dituen ikastetxearen Hizkuntza Proiektua (IHiP)

Zeintzuk dira gaur egungo eskolaren ezaugarriak, betekizunak eta erronkak?
Nola egin lan euskara H2 duten ikasleek euskarazko gaitasun egokia gara dezaten?
Hizkuntzen Trataera Integratua (bateratua eta dibertsifikatua) IHiPn
Hizkuntzaen Trataera Integrala (arloetako edukien eta hizkuntza alderdien programazio bateratua)

Hizkuntza minorizatu batean ikasten eta irakasten ari gara eta , gainera, euskarak oso hizkuntza indartsuak ditu bere inguruan. Horren aurrean,  gure ikasleek euskararen alde hautua egin dezaten, zer egin ahal dugu?

video



Vicent Pascual Granell (Institut d´Estudis Catalans, IEC)

2016/10/19

PBL ikastaroa Lehen Hezkuntzako irakasleentzat

Urriaren 25ean PBL (proiektuen bidezko lana) ikastaro/mintegiko lehen saioa izango dugu Barakaldoko berritzegunean.

Badakigu ikasturtea hasi denetik lanez gainezka daudela ikastetxeak: bekak, Urteko Plana...

Zereginen artean, irakasleek ere programazioak berriztatzeari ekin diote. Irailaren 6an, Heziberri saioan, jorratu genuen unitate didaktiko baten garapena urratsez urrats eta adibideak ematen. Antolatzaile grafikoa ere luzatu genizuen baliagarria izango zelakoan. Horretaz gain, hori guztia biltzen duen SITEA ere aurkeztu genuen.

Azken astean galdetu digute arazo-egoera baten inguruko unitate didaktikoa nola egin. Ba, erantzuna PBL ikastaroan duzue, hain zuzen. Heziberri saioan azaldu genuen bezala, arazo-egoera edo erronka PBLen bidezko unitate didaktikoaren abiapuntua da.

Beraz, zuzendaritza taldeei esan genien bezala, lehen hezkuntzako irakasleei (tutoreei, batez ere) gonbidatu nahi zaituztegu parte hartzen datorren astean hasiko den ikastaroan. Bertaratzen direnek beraien ikastetxearen lantaldeekin batera apurka apurka berriztatze horrek ekartzen dituen aldaketak ulertuko dituzte eta praktikan jarriko dute.

Bestalde, gure praktika doitzeko beharrezkoa da norabanako konpromisua: sekuentzia/unitate didaktikoa diseinatzearena eta zuen ikasleekin aurrera eramatearena. Bi osagaiak ezinbestekoak dira formazio eraginkorra lortzeko.

Bideo labur hau, gazteleraz, uzten dizuegu gakoak ezagutzeko:



Helbide honetan duzue izena emateko inskripzio orria.

Ikasleen asanblada Ibaiben, esperientzia polita!

Atzo goizean CEIP Ibaibe HLHIn egon naiz, hamabostero egoten naizen bezala, baina helduen ikaskom batzarrean egon beharrean, ikasturte honetako lehen ikasleen asanbladan.

Oso esperientzia ona izan dela aitortu nahi dut. Lehen bilera honetan ikasle eta irakasle berriak zeuden batzarrean eta gainera berritzeguneko aholkularia hurlbiltzea ... Ba, esan behar dut ikasleak zein irakasleak harrera ezinbobea egin didatela.

Ikastetxean astero izaten dituzten ikasgeletako asanbladetan hainbat gai jorratzen dira eta hilero egiten diren ikasleen asanblada orokor honetan ikasmaila bakoitzeko bi ikasle ordezkari bertaratzen dira (1.mailatik 6. mailara). Irakasleen partetik, ikaskom batzordean daudenak ere egoten dira, zuzendaria eta ikasburua barne. Ikasburuak aldez aurretik jaso eta landutako gaiordena jarraitzen du, bileran moderatzaile lana eginez. 


Gai zerrendako puntuak jorratu eta ikasleek han erabakitakoa idazten dute informazioa geletan partekatzeko: aurtengo araua, nola bideratu salatu beharreko jarrerak... azaltzen da. Kontuan hartzen da ikasleen adina eta lehen eta bigarren mailetakoek ulertu eta idatzi arte itxaroten dira errespetuz.

Aurteko ikasgeletako elkarbizitza koadernoak banandu dira baita erabilera azaldu ere.

Hau guztia primerako izan arren, azken puntua izan da aipagarriena. Txandaka geletan jasotako kezkak eta problemak azalaratu dituzte ikasleek. Ikasle gehienek ekarpenak egin dituzte, helduek adi entzun dute eta guztion artean proposamenak egin dituzte. 

Planteamendu hauek oso emankorrak direla pentsatzen dut, ahotsa ikasleei ematen zaielako, arazoetaz pentsatzeko eta akordioak hartzen eta betetzen ikasten dutelako, irakasleek ikasleen argudioak eta kezkak entzun eta bideratzeko laguntza eman dezaketeelako eta, bide honetan, benetako hezkuntza komunitatea osotzen delako.

Barakaldoko eskola batzuetan egiten dela dakidanez, hurrengo batez ea gonbidatzen nauten.:)