Bikoteka Irakurtzen: hasi da bidaia

Urriaren 3an Barakaldoko Berritzegunean "Bikoteka Irakurtzen" lehen saioa izan genuen. Mariona Corcelles, iaz bezala, hurbildu zen lehen formazioa ematera. Oso inportante iruditu zaigu bere presentzia aurten berria den mintegi honetan. GRAI-k sorturiko programa hau ez da irakurmena sustatzeko teknika soila edo aplikatzeko era bat. Ikerlariak diren heinean urtero moldatzen  dituzte esatekoak, materialak... Estatu osoan dauden ikastetxeek eta irakasleek egiten dituzten iruzkinak, atera diren emaitzak eta arrakastatsuak izan diren moldaketak kontuan hartzen dituzte hobetzeko, optimizatzeko. Horrek programa hobetzen du eta benetako lan-sarea sustatzeko aukera da.

Aurten oso pozik gaude Barakaldoko 12 ikastetxek parte hartuko dutelako. Haien artean, 9 lehen hezkuntzan arituko direnak eta 3 bigarren hezkuntzako lehen zikloan. Zortzi dira ikastetxe publikoak eta lau itunpekoak.




Lehen goizeko tartean programaren ezaugarriak ezagutu genituen. Zalantzak argitzeko unea ere izan genuen. Azken goizaren tartean, moodle-ko aulaice gela birtualean aritu ginen. Hiruhilekoaren eginkizunak ere zehatzu ziren.

Asteartean, urriaren 8an, lehen mintegi saioa izan genuen. Kontu teknikoek, espero genuen bezala, bete zuten saioaren gehiena eta azken tartean ulermen fitxak ebaluatzen aritu ginen.
Aurten proposatzen dugun egitura honakoa izango da:

• 3 formazio saioak GRAI-ko arduradunarekin
• Mintegi saioak, hilero:
• Materialak sortzeko
• Elkarbanatzeko 
• Formazio teknologikoa jasotzeko
• Sarea sortzeko.
• Curriculuma eta irakurmena: hausnarketa egiteko.

•  Aholkulariok ikastetxeetan laguntza:
• Ikasleekiko saioetan irakaslearekin batera aritzeko.
• Dokumentatzeko prozesua.
• Behatzaileen lana egiteko.

• Honetaz gain, aholkulariok:
•  Dinamizatuko dugu Aulaice-ko foroa elkarrizketak sortzeko, ikasteko, motibatzeko...
•  Euskarri digital batean biltzen joango gara sorturiko materialak, interesgarriak izan daitezkeen beste batzuk, curriculum kontuak eta abarrak.

Hasi da, ba, bidaia... Emankorra, partekatua, aberatsa eta alaia izatea espero dugu.