2014/01/21

Bikoteka irakurtzen. Urtarrileko formazio saioa Berritzegunean.


Gaur goizean 36 lagun bildu gara Barakaldoko Berritzegunean  GRAIko berdinen arteko tutoretza ikertze taldearen barruan dagoen Bikoketa Irakurtzen formazio saioa izan dugu. Programaren aholkularia den Mariona Corcelles-en  bigarren formazio saioa izan da hau.

Saio honen helburua ikasturteko lehenengo hiruhilekoan ikastetxeetan egindako lana, zalantzak eta iritziak partekatzeko gunea izatea da.

Jorratu diren gaien artean, honako hauek: progamaren helburua, jarduera fitxak, ikasleen zein familien formazioa, saioen antolamendua, irakurketa metodoa...

Guztietan ekarpenak jaso dira, iritziak eta gomendioak elkar trukatu ditugu eta amaitzeko ikastetxeen arteko bisitaz aritu gara.
Bigarren hiruhilabete honetako lana programa praktikan jartzea da 12 ikastetxeetako ikasgeletan, bai lehen hezkuntzan bai bigarren hezkuntzan.
Otsailean hurrengo mintegi saioa izango dugu guztion artean irakurmena lantzeko testuak ekoizteko eta elkarren artean ikasten jarraitzeko, besteak beste.

Berritzeguneak, lehen hiruhilabetean banakako aholkularitza egin dugun bezala, bigarren honetan arituko gara ikasgeletan laguntzen, behatzaile lana aurrera eramaten eta prozesu osoa dokumentatzen.






Lehen formazio saioaren kronika
Abenduaren mintegi saioa

No hay comentarios:

Publicar un comentario en la entrada